विश्व रक्तदाता दिवस पारेर विराटनगरमा रक्तदानकाे कार्यक्रम आयाेजना ।

विश्व रक्तदाता दिवसको अवसरमा युथ फर ब्लड, हामी युवा को आयोजना, न्यूरो कार्डियो एण्ड मल्टिस्पेशियालिटि हस्पिटलको सहआयोजना तथा नेपाल रेडक्रस सोसाइटी, मोरगं शाखाको प्राविधिक सहयोगमा न्यूरो अस्पतालको प्रांगणमा रक्तदान कार्यक्रम सम्पन भएको छ । 

   रक्तदान कार्यक्रममा ६२ पिन्ट ब्लड संकलन न्युरो अस्पताले जनाएको छ ।  अस्पतालका चिकित्सक, नर्स तथा अन्य कर्मचारीहरुद्धारा स्वतस्फूर्त रुपमा गरिएको उक्त रक्तदान कार्यक्रममा अस्पतालका प्रबन्ध निर्देशक डा. बिरेन्द्र कुमार विष्ट तथा बरिष्ठ प्याथोलोजिष्ट डा. सागर राज पाण्डले रक्तदानको महत्वको विषयमा प्रकाश पार्नु भएको थियो । 

रक्तदाता दिवसकाे अवसर पारेर रगत दान गर्दै न्युराे अस्पताल विराटनगरका कर्मचारी ।

न्यूरो अस्पतालले उत्कृष्ट स्वास्थ्य सेवा प्रदान गर्नुको साथै स्वास्थ्य सम्बन्धी विभिन्न जनचेतनामूलक कार्यक्रमहरु, स्वास्थ्य शिविरहरु तथा रक्तदान कार्यक्रमहरु गर्दे आइरहेको र यसलाई भविष्यमा पनि निरन्तरता दिने अस्पतालका अपरेशनल डाइरेक्टर राजेश भट्टराइले जानकारी दिनुभयो ।