स्तनक्यान्सरसम्बन्धी भिडियो हटाएकोमा फेसबुकले माफी माग्यो

एजेन्सी। स्विडिस नागरिकको एक समूहले स्तन क्यान्सरसम्बन्धी जनचेतनामुलक भिडियो फेसबुकमा पोस्ट गरेको थियो र उक्त भिडियो फेसबुकले हटाएको थियो। फेसबुकले उक्त भिडियो भुलवश हटाइएको भन्दै माफी मागेको छ।

एनिमेटेड भिडियोमा महिलाको स्तन पिंक रंगले छोपेको देखाएको थियो र सजिलै आफैँले स्तनक्यान्सर भए नभएको पत्ता लगाउने उपाय देखाइएको थियो। फेसबुकले समाजिक सञ्जालमा उक्त भिडियो आपत्तिजनक भएको र भिडियोले नग्नता देखाएको भन्दै हटाएको थियो ।

नर्वेजियन लेखकले १९७२ मा भियतनामको भएको युद्धमा लिइएको एकजना बालिकासहित अन्य बालबालिका नाङ्गै भाग्दै गरेको तस्विर पनि फेसबुकले हटाएको थियो । तर यसवारेमा व्यापक आलोचना भएपछि फेरि एतिहासिक महत्वको तस्बिर भन्दै पुनः आफ्नो साइटमा राख्न अनुमति दिइएको जनाएको थियो ।

फेसबुककी प्रवक्ताले विज्ञप्त्ती मार्फत भनेकी छिन् ‘हाम्रो अध्ययन टोलीले हप्तैपिच्छे लाखौं तस्विर व्यवस्थापन गर्ने गर्दछ र यसै क्रममा क्यान्सरसम्बन्धी जनचेतनामुलक भिडियोसमेत हट्न पुगेको छ’। यसप्रति हामी माफी माग्न चाहन्छौं फेसबुकले यसअघि पनि धेरैपटक महिलाले आफ्नो शिशुलाई स्तनपान गराइरहेको तस्बिर हटाएको थियो ।